የኢትዮጵያውያን ማህበር በኖርዌይና በዓላት

ኢማኖ አድስ ዓመት፣ ገና በዓል እና ፋሲካን ከኢትዮጵያውያን ጋር ያከብራል፡፡ ኢድ አልፈጥርና የመሳሰሉትንም ወደፊት ለማክበር ማህበሩ ኢትዮጵያውያንን ያበረታታል፡፡ እነዚህ በዓላትን ስናከብር ልክ እንደ ኢትዮጵያ ውስጥ በዕለቱ ቀን ባይሆንም ቀራቢው ቅዳሜ ላይ እናከብራለን፡፡ በርግጥ ግለሰቦችና የሀይማኖት ተቋማት በዕለቱ ላይ እንደሚያከብሩ አይዘነጋም፡፡

ቅዳሜ ሊመረጥ የቻለበት ምክንያት ውጭ ስለምኖርና ከስራም ሆነ ከትምህርት ነጻ የምንሆንበት ቀን ቅዳሜ ስለሆነ ነው፡፡


እነዚህ በዓላት በሰፊውና ባዝናኝ መልኩ እንዲከበሩ ማህበሩ የተቻለውን ሁሉ ያደርጋል፡፡ ቀን ላይ የልጆችና የቤተሰቦች ዝግጅቶች አሉ፡፡ አንዳንዶቹ እንቅስቃሴዎችም የልጆች ጨዋታ፣ ውድድር፣ ሽልማት፣ የልጆች ዘፈን፣ ምግብና መጠጦች፣ የቡና ስናስርዕት የመሳሰሉት ይዘጋጃሉ፡፡


ምሽት ላይ ደግሞ ከምግብና ከመጠጥ ጋር የሙዚቃ ምሽት አለ፡፡ ለወደፊቱ በቀኑና በምሽቱ መርሃግብሮች መካከል በሰፊ ሰሌዳ ፊልም ለማሳየት ማህበሩ እቅድ አለው፡፡